作者︱李南衡 (北文研究者)
箴言第九章第7節 Ài kā人糾正koh侮慢ê人，家己招來凌辱；責備pháiⁿ人，會hō͘家己見笑。《巴克禮》：「歸正侮慢的人，家己招凌辱；責備歹人者，家己取見誚。」《和合本》：「指斥褻慢人的，必受辱罵；責備惡人的，必被玷污。」《現代中文》：「你若糾正傲慢人的過錯，就是自招凌辱；想責備邪惡人，無異傷害自己。」《日文聖書》：「不遜の者を諭しても侮られるだけだ、神に逆らう者を戒めても自分が傷を負うだけだ。」（教示傲慢的人，家己得tio̍h侮辱；勸戒忤逆神的人，家己受傷。）“BBE”：“ He who gives teaching to a man of pride gets shame for himself; he who says sharp words to a sinner gets a bad name.”（教示侮慢的人家己討凌辱；責備犯罪的人家己得tio̍h歹名聲。）看各種譯本，會tàng知影chit句譯作「Ài kā人糾正koh侮慢ê人，」是無正確。
第九章第18節 總是，hit款人m̄知tī她hia有陰魂；她ê人客tī陰府深ê所在。《巴克禮》差不多仝款。《和合本》：「人卻不知有陰魂在她那裡；她的客在陰間的深處。」《現代中文》：「受害的人不知道死亡就在她那裏，往她那裏去的，已經墜入陰間的深處。」《日文聖書》：「そこに死霊がいることを知る者はない。彼女に招かれた者は深い陰府に落ちる。」（無人知影hia有死靈，hiah-ê hō͘伊接待過的人客攏落佇陰府上深的所在。）“BBE”：“ But he does not see that the dead are there, that her guests are in the deep places of the underworld. ”（但是伊無看tio̍h佇hia有死亡，伊的人客攏佇陰府深深的所在。）所以阮認為可能按呢改會khah清楚：「總是，hit款人m̄知佇伊hia tio̍h是死亡，她ê人客攏落tī陰府深深ê所在。」
箴言十章第6 節後半 強暴遮蓋pháiⁿ人ê 嘴。《巴克禮》仝款，干單差別「遮蓋」寫作「遮掩」。《和合本》：「強暴蒙蔽惡人的口。」《現代中文》：「邪惡人的話藏匿殘暴。」《日文聖書》：「神に逆らう者は口に不法を隠す。」（忤逆神的人用嘴來掩蓋罪惡。）“BBE”:“but the face of sinners will be covered with sorrow.”（歹人的面用憂傷來掩蓋。）阮認為可能譯作：「歹人用嘴來掩蓋殘暴。」khah合意。
箴言第十一章第1節後半 公平ê秤錘是祂所歡喜ê。《巴克禮》「公平的鉈子是伊所歡喜的。」《和合本》：「公平的砝碼為他所喜悅。」《現代中文》：「他喜愛公平的砝碼。」“BBE”:“but a true weight is his delight. ”（正確的砝碼是伊所歡喜的。）《日文聖書》：「十全なおもり石を喜ばれる。」（歡喜十全的錘石。）照《普通話閩南方言詞典》hō͘「砝碼」的註解是講：天平kah磅秤頂面用來作重量標準的物體，通常是金屬塊抑是金屬片，會tàng表明精確的重量。「天平子」（thian-pêng-chí）用佇天平，「磅子」（pōng-chí）用佇磅秤，「砣子」（tó-chí）用佇磅砣。若按呢咱知，講「秤錘」不如講「砝碼」正確。因為「砝碼」包含範圍khah闊。Chit半句改作：「公平ê砝碼是祂所歡喜ê。」khah好。