·
| |
馬可福音chit个老爸，現現是咱做基督徒的「說明書」，或者是「操作手冊」。
我有信 |
馬可福音第九章內底，有一个做lâng老爸的lâng，求耶穌救伊ò求著鬼的後生。主耶穌吩咐伊，著ài有信。彼个老爸liâm-mi大聲hoah講：「我有信；我的信心若無夠，求祢著幫贊我。」（可九24）
Chit个老爸，確實是新約聖經的記載內底，代先顯然講出「基督徒」的款式的lâng。而且，伊所講的，會使講深入到怎樣「做」基督徒的層次。
靠主的幫贊
咱知影，耶穌基督bat教示咱，做伊的門徒著ài彼此相疼，嘛著ài疼厝邊親像疼家己。總--是，怎樣做會到？馬可福音內底chit个老爸，予咱啟示：「論真，咱不時著ài知，咱做袂到；上無，嘛ài有心理準備，咱時常做無到。」對án-ne，顛倒是不時咧提醒咱家己：「著ài照主所教示--的去做--o͘h！」有時陣，竟然做有到，咱嘛著ài認bat，家己無功勞，一切是靠主耶穌基督聖神的幫贊。對án-ne，咱進一步做到主的教示，咱家己攏無通誇口，kan-na靠主來誇口，歸榮光上帝。
Khîⁿ-tiâu 上帝
馬可福音chit个老爸，現現是咱做基督徒的「說明書」，或者是「操作手冊」。彼此相疼、疼厝邊若疼家己，遮--的攏「理論」。而且，攏是真oh成的理論。不而過，咱的主佇馬可福音留一个教咱案怎去做的cháng-thâu：咱著ài khîⁿ牢上帝，用「我做袂到」chit款認bat來予家己做kah到的意願kap法度。