文｜Lí Pōe-bûn 李佩紋／國立台北大學歷史學系學生，台北大專北大長青團契契友
圖｜Ông Phok-hiân 王博賢
Hó-ka-chài ū lāu-su ê thê-chhéⁿ, góa chiah chai-iáⁿ goân-lâi tī-leh kî-tó êsî-chūn, ài iōng "Goán", bē-sái iōng "Lán"
Sè-hàn ê sî-chūn, khò-sè ka-kī ū leh kap chhùlāi-té ê sī-tōa-lâng kóng Tâi-gí, tiō bô leh kiû chìn-pō͘, lia̍h-chún kóng ka-kī í-keng chiok lī-hāi--ah. It-ti̍t kàu tha̍k ko-tiong ê sî-chūn, chiah
hiông-hiông hoat-hiān góa kin-pún tō bô ka-kī siūⁿ--ê hiah-ni̍h gâu, m̄-nā kóng Tâi-gí kóng kahchiok bē liàn-tńg, liân Pe̍h-ōe-jī mā khòaⁿ lóng bô.
Tùi hit-sî khai-sí, ūi-tio̍h beh kā ka-kī ê bó-gíchhōe tńg--lâi, góa tiō ē tī bāng-lō͘ chhōe chu-goân, ka-kī o̍h Pe̍h-ōe-jī. Ah-m̄-koh, bô tòe lāu-su leh o̍h, hāu-kó chóng--sī iú-hān, só͘-í kū-nî ē-tàng tī Tāi-choan Tiong-sim siōng-khò,chin-chiàⁿ sī chiok hoaⁿ -híê tāi-chì, ta̍k-pái mā lóng chiok kî-thāi beh khì siōng-khò ê ji̍t-chí.
Tī kū-nî ê tâi-bûn-khò, bô-lūn sī lāu-su êiōng-sim chai-pôe, á-sī kap tông-o̍h chò-hóe tha̍k ê bûn-chiuⁿ , sīm-chì sī hām tāi-ke tàu-tīn oân-sêng ê chhek-giām, lóng hō͘ góa tùi Pe̍h-ōe-jī, Tâi-lô kap Hàn-jī ū koh-khah chē ê liáu-kái.
M̄-nā sī án-ne niā-niā, góa khah-chá hán-tit iōng Tâi-gí leh kî-tó, kiat-kó ū chiok chē mê-kak lóng m̄ chai, mā bē khì chù-ì--tio̍h, hó-ka-chài ū lāu-su ê thê-chhéⁿ , góa chiah chai-iáⁿ goân-lâi tī-leh kî-tó ê sî-chūn, ài iōng" Goán ", bē-sái iōng " Lán".
Tī hia m̄ sī kan-ta ha̍k-si̍p nā-tiāⁿ , góa mā se̍k-sāi chiok chē lâng, koh kau-tio̍hsin ê pêng-iú. Ah-koh-ū, siōng-khò chìn-chêng koh ē-tàng kap tāi-ke khai-káng kiam kau-liû, o̍h kah chiok sit-chì ê sî-chūn mā ū lâng ē kā góa kó-lē. Chiah-ê kì-ek kàu taⁿ iáu-kohē hō͘ góa kám-siū-tio̍h hit-tng-sî ê un-loán.
Chòe-āu, góa siūⁿ -beh kám-siā múi chi̍t-ê tī Tāi-choan Tiong-simtú--tio̍h ê lâng, ē-ēng-tit kap tāi-ke tàu-tīn ha̍k-si̍p si̍t-chāi ū-kàu hēng-hok--ê. Sui-jiân góa chit-má ê thêng-tō͘ iáu bô-hoat-tō͘ chhut-sai, m̄-koh o̍h Tâi-gí pún-té tō-sī chi̍t-tiâu chiok t gtn̂g ê lō͘, sòa--lo̍h-lâi, góa mā ē kè-sio̍k phah-piàⁿ,kè-sio̍k hiòng-chêng kiâⁿ.
