作者︱陳心婷(新使者雜誌編委，清華大學人文社會學院學士班)
當我骨力 leh 講台語、寫台語、推 sak 台語、保存台語 ê 時， 我就 leh 做伊 ê 事工。
我 tī 基督教 ê 家庭出世，對我有記智開始，我就是一ê 基督徒。‹-koh，已經有蓋久 ê 時間，我攏感覺我是一ê 無夠格 ê 基督徒。我真罕 leh 看聖經、無 leh 去團契，甚至連做禮拜攏變做「坐」禮拜。
我知影，信仰應該是愛經過家己 ê 思考佮憢疑了後，才來相信，án-ne 才是 khah 好--ê。總--是，雖然我對我 ê 信仰開始有愈來愈濟 ê問題，我攏無共好好 á 思考，kan-na 共伊囥佇邊仔 niä。
上大學了後，因為有熟似 ê 朋友，soah開始學台語文。我真拍拚 leh 練習，想欲共我ê 台語 khioh--轉來。我 mä 蓋認真 leh 推 sak 台語文，辦講座、辦小組、寫文章，koh 有上過公視台語台 ê 節目（請收看：全家有智慧第6集）。
我感覺我 ê 生活過了蓋有意義、蓋充實。我 mä 感覺上帝真愛我，tī täi-chì 無 sün-sü ê 時，伊攏 ë 共我鬥相共。‹-koh，我感覺，我攏無回應伊 ê 疼。信仰 tī 我 ê 生活占小可部分niä，我無 hiah chiãp 想 tiõh 伊。親像頭前講--ê，我無leh 讀聖經、無 leh 去團契，mä 無 leh 做禮拜。
我共這層 täi-chì 講予阮朋友聽。伊感覺我共信仰想了傷狹--矣，伊共我提醒：「回應上帝 ê 方式 ˜ kan-na『想 tiõh 伊』爾爾。你 ê 存在本身就佮上帝有關係，你 ê 性命、你 ê 生活、你 ê 實踐，攏是 leh 回應上帝。」尾仔伊 koh 講「你遮爾仔認真推 sak 台語文，上帝仝款嘛會認為你行 tī 伊 ê 道路。」
Hit pái 開講，予我蓋大 ê 鼓勵。我總算知影，我所拍拚 ê täi-chì，佮我 ê 信仰是 bë 相衝--ê。當我骨力 leh 講台語、寫台語、推 sak 台語、保存台語 ê 時，我就 leh 做伊 ê 事工。
舊年 ê 這時，我 koh 猶袂曉寫、mä 袂曉讀台語文。‹-koh，chit-má 我已經 ë-tàng 寫按呢規篇 ê 文章--矣。我會 koh 繼續為台語來拍拚，共上帝創造--ê、足 súi ê 語言，好好仔留留--落-來。