文、圖｜Ông Bí-su、Lîn Phek-tông ／Tiúⁿ-ló kàu-hōe thoân-tō-su
Iâ-so͘ tī Má-thài hok-im 5:34-37 kóng, “nā-sī góa kā lín kóng, It-khài bo̍h-tit chiù-chōa; bo̍h-titkí thiⁿ, in-ūi thiⁿ sī Siōng-tè ê chō-ūi; bo̍h-tit kí tōe, in-ūi tōe sī I ê
kha-ta̍h; bo̍h-tit kí Iâ-lō͘-sat-léng, in-ūi sī tōa Jîn-kun ê siâⁿ. Ia̍h
bo̍h-tit kí lí ê thâu-khak lâi chiù-chōa, in-ūi chi̍t ki thâu-mn̂g, lí bōe hō͘
i chòe o͘ chòe pe̍h. Nā-sī lín ê ōe tio̍h kóng, sī, chiū sī; m̄-sī, chiū m̄-sī; chiah-ê í-gōa sī tùi hit ê pháiⁿ--ê chhut.”（Pa-khek-lé pán） tiāⁿ-tiāⁿ iōng lâi kà-tō m̄-thang kóng pe̍h-chha̍t , cheta̍t-tit lán chim-chiok liáu-kái keng-bûn ê ì-sù.
1、 Má-teng Lō͘-tek tùi hoat-lu̍t thé-hē lâi lí-kái, tng Iâ-so͘ kóng khòaⁿhū-lú m̄-thang tōng-khí io̍k-liām, nā lán tùi ka-kī ê bó͘ á-sī ang bô io̍k-bōng,
tō chhám--ah. Só͘-í, ū io̍k-bōng ū hó ū bái；chiù-chōa māsio-siāng. Án-ne, Iâ-so͘ chit-kù ōe sī teh kóng chiù-chōa, góa só͘ chiù-chōa--ê
sī chin--ê, sī chiū sī, m̄-sī chiū m̄-sī, góa bô lām-sám chheng Siōng-tè ê miâ.
2、 Tùi-èng Iû-thài-lâng ê tùitē-it-kài ê lí-kái. Tng Siōng-tè kóng, “Góa sī Iâ-hô-hoa—lí-ê Siōng-tè”,
peh-sìⁿ chiū hôe-èng, “Sī, lí sī goán ê Siōng-tè”. Tng Siōng-tè kóng, “Góa í-gōa lí m̄-thang ū pa̍t-êSiōng-tè,” peh-sìⁿ tō hôe-èng, “bô, goán bô pa̍t-ê Siōng-tè.”
3、 Tī Má-thài hok-im tē 5 kàu tē 7 chiuⁿ Iâ-so͘ gō͘ páiiōng “Góa si̍t-chāi kā lín kóng” lâi kā ka-kī ê ōe kòa pó-chèng. Só͘-í, “Sī
chiū sī, m̄-sī chiū m̄-sī” tō sīta̍k lâng ūi ka-kī ê ōe kòa pó-chèng, mài khan-thoaSiōng-tè.
4、 Ka-ní-bûn jīn-ûi lâng só͘ kong-ê ōe lóng kap Siōng-tè ūkoan-hē, kóng si̍t-chāi-ōe sī beh êng-iāu Siōng-tè, bô sún-hāi Siōng-tè ê miâ，choa̍t-tùi bōe-tàng kóng pe̍h-chha̍t. Sīm-chì tng lâng beh kóng si̍t-chāi-ōe ê sî，m̄-bián chiù-chōa。
Sèng-keng tiong kóng pe̍h-chha̍t ê hiō-kó chì-chió ū saⁿ-chióng：hō͘ Siōng-tègiâm-giâm chhú-hoa̍t（Iâ-sé-pia̍t iōng ké kan-chèng hāi-sí Nâ-pek sí chinchhám）；Siōng-tè bô chhú-hoa̍t （La-kiat thau-the̍h lāu-pē ê sîn-siōng） kap hō͘ Siōng-tè chiok-hok（Chhut-Ai-ki̍p kì ê khioh-chí-bú）.
“Sī chiū sī, m̄-sīchiū m̄-sī”, tùi Chhut-ai-ki̍p ê khioh-chí-bú chí lâi kóng, “Sī, Siōng-tè sī
lán-ê Siōng-tè；m̄-sī,hoat-ló m̄-sī lánê sîn-bêng.” In kóng pe̍h-chha̍t sī beh siú kài-bēng, pó-hō͘ sìⁿ-miā, kiâⁿ Iâ-so͘ ê kà-sī “hō͘ lâng khòaⁿ--kìⁿ lín-ê hó só͘ kiâⁿ, lâi kui êng-kng hō͘ lín tī thiⁿ--ni̍h êPē.” Án-ne, lán ki-tok-tô͘ m̄-sī iōng kóng-ōe kám-sī pe̍h-chha̍tlâi phòaⁿ-toàn；hoán-tńg ài siūⁿ, góa kóng chit-khoán ōe, kám-ū hoat-tō͘si̍t-hêng、ta̍t-sêng thiàⁿ Siōng-tè thiàⁿ lâng ê hāu-kó.
Keng-bûn ū bô-kâng ê kái-soeh sīchū-jiân--ê. Sèⁿ-miā keng-giām, seng-oa̍h thé-hōe, Sèng-sîn ê tòa-niá, ē pang-chān
lán hun-piān. Lán ài ē-kì--tit, bô chi̍t-chióng kái-soeh sī choa̍t-tùi--ê, múi chi̍t-chióng kái-soeh ū isek-iōng ê hoān-ûi. Choa̍t-tùi ê goân-chek sī tùi Siōng-tè kóng sī, tùi m̄-sī
Siōng-tè--ê kóng m̄-sī, jû-hô èng-iōng sī liû-tōng--ê. Liû-tōng ê chin-lí khó-lêng ē hō͘ lán chin bōe an-sim.Kiaⁿ ka-kī bô chiàu chin-lí lâi kiâⁿ, he̍k-sī tùi pún-chit lâi giâu-gî ē
piàn-tōng--ê kám-sī chin-lí？ Lánnā khòaⁿ Iâ-so͘ ka-kī ê lē, tō ē-sái chai-iáⁿ, sui-bóng I ka-kī tō sī chin-lí,
I iû-goân ài kî-tó khún-kiû Thiⁿ-Pē hō͘ I tì-hūi kap ióng-khì khì chòe-chhut chèng-khak ê soán-te̍k, mā ài kap lâng tùi-ōe thó-lūn lâipá-ak chin-lí, koh tī si̍t-chè ê hêng-tōng khì kiâⁿ-chhut I ka-kī ê kà-sī,
kam-goān sêng-siū khó-lêng sán-seng ê hiō-kó.
